منتدى دلع الدلع

ليش مريولك موديله كنه فستان عرس ؟ أبله هذا ستايلي..

ليش حاطة عدسات زرق ؟ أبلة عيوني هذي .. امي اوروبية..

ليش كل هذا الكحل ؟ أبلة عيوني كحلية طبيعيا..

و ليش المناكير ؟ أبلة هذي حنة سودانيه مو مناكير..

ليش ما ترددين تحية العلم ؟ أبلة بلاعيمي تعورني..

ليش تسولفين بدل ما تستفيدي من الإذاعة ؟ أبلة مو انا بس كل الصف بعدين الإذاعة مكررة هي وفقرة هل تعلم السخيفة..

ليش كل هذا المكياج ؟ أبلة امس كان عرس ولد عمي للفجر .ومالقيت وقت عشان أشيله ....!!


نشوف البنات اللي مبققات عيونهم على الأبلوات

وين أبله سيتوبلازم ؟هذي واقفة جنب العمود أكيد غايبة اوكي الحصة الأولى فاضيين . يا سلااااااام..

وين أبله"قد اعذر من انذر ؟ هذي عندها مناعة طبيعية ماتمرض عشان تغيب هي و ربيعتها نو بودي..

وين أبله الحجم العائلي ؟ اوف بعد مب غايبه .. لا وتشوف علي بعد.. يشوفها ملك الموت " عزرائيل " اليوم قولو آمين..

شوفوا أبلة عطيات تنورتها تحفة .. خيالية.. آخر موضة .....من وين اشترتها ؟؟

عاد أبلة دراكولا مشترية الدمعة بدل أرنوبها القديم وتتكلم مع زوجها في الطابور لتضمن أكبر عدد من الناس شافوها ..تنزل اعلان بالجريدة يكون أحسن ..


نشوف سوالف الدلوعات

أمس رحت عرس جيراننا لبست فستاني ال الكشخة التركواز والاكسسوارات اللي توني مشتريتهم من كليرز وصندل فرساتشي اللي اشترالي إياه أخوي من لندن هه.. وكل الناس تشوف علي كاني انا العروسة..>>بسييييييو دوف دوف دوف عفاااااشه هي اصلا ما عنها اخوان
و جيرانهم اكبر واحد عمره 6 سنوات
تدرين مع من سولفت أمس بالشات ؟مع لبناني وحاط صورته يمة يذوب ... شعر اشقر و عيون خضرا..>>ثلاث تعش.. شلخ تعش عفش×عفش


البنات اللي اختصاصهم الحش

شفتي الدبة هذي امس فاتحة شعرها كنه خرطوم مطافي..
ولا سارة اللي كانت عايشة في ماليزيا اليوم جاية بقميص صوف والحراره 40 درجة غبية وحدة..
ولا مجموعة شغالات الصف " هذيلا اللي يجمعون الدفاتر و يجيبون المسجل أو اللوحة للأبلة " الصباح لقيتهم ينظفو السبورة .. والله ينرحمون .
و في النهاية تجي معلمة و تقول ماشي قلم : وين انتوا في سوق سمك؟