سبحانـه الله مقـدر كـل الارزاقـي
رب(ن) عليم(ن)ٍ بكل اسرار مخلوقـه
ماغيره ارجيه لامن خاطـري ضاقـي
وفي وقت كبدي من الايـام محروقـه
وبعونه اشيل حمل(ن) لو مـا ينطاقـي
ما هان عبد(ن) صبور وخالقـه فوقـه
افرح بيوم(ن)جديد بوقـت الاشراقـي
واقـول بـاذن الله الاهـداف ملحوقـه
واجمع وابعثر مـع الايـام باوراقـي
وهمي دفنته بصدري وسـط صندوقـه
وعيني وقلبي على تلعـات الاعناقـي
والحب من طب فيـه يضيـع حقوقـه
شفي هنوف(ن)ما داجت وسط الاسواقي
ولا صادقت كـل مفلوتـه ومطفوقـه
غير الجمال الحقيقي حسن الاخلاقـي
لو شاركت بالمزايـن تكتسـح سوقـه
انشهـد ان حبهـا داخـل بالاعماقـي
ويجري غلاها بدم الجسـم وعروقـه
تعبت باسبابهـا وعانيـت الارهاقـي
بعض الليالـي لذيـذ النـوم مااذوقـه
اصبر واجامل وانا بالحيـل مشتاقـي
والجاه والمال لاجل حبالهـا انسوقـه
والناس ربي خلقها اجنـاس واذواقـي
ومن حبه الله هـداه وزانـت وفوقـه
سبحانـه الله مقـدر كـل الارزاقـي
ما هان عبد(ن) صبور وخالقـه فوقـه