--------------------------------------------------------------------------------
يادحيـم لو شفت غرون ضاق فستانه
بيّن تفاصيـل جسمـه نعنبـو حيـه

مدري يبا السوق ولا بيـت جيرانـه
والناس مع ساقتـه راكـب ورجليـه

تمشي على هونها ماهيـب عجلانـه
وثنتين معها ولاهـن عندهـا شيـه

مرت وهي بالوسط ماهيب طرفانـه
هي الطويلـه وهنـه اقصـر شويـه

اللي علـى يمينهـا يادحيـم هلكانـه
طرت علي المجاعـه فـي ثيوبيـه

واللي على يسارها تقـول مرضانـه
في كـف جـوال والثانـي ميدليـه

تاخذ وتلخـص وفمهـا فيـه لبانـه
تقول تمشي علـى نغمـات غربيـه

تلـد بعيونهـا لـو مالهـا خـانـه
والقلب ماهـوب فنـدق للرومانسيـه

ماجاب طرق الهجيني غير من شانه
مياسةكنهـا بالوصـف حوريـه

القلـب سلـم لهـا مفتـاح بيبـانـه
حووريـه(ن) بيـن جنيـه وجنيـه

لاهـي نحيفـه ولا بالحيـل مليانـه
ريان عـوده وعنقـه عنـق ريميـه

يوم اقبلـت شفـت رمانـه ورمانـه
رمانتيـن بوسـط الجيـب مخفيـه

كن النحر لو غطـى نصفـه بكتانـه
قدحت فـلاش المراسيـم الأميريـه

ولحظة تعدى نظرت الموت بالوانـه
تحت العبايـه لهـا هـزات جزئيـه

منها خطورة علـى زنـده وسيقانـه
استغفـر الله عــذاب للهاواويــه

اللي على موتره وقف علـى شانـه
واللي تبعهـا بـلا غتـره وطاقيـه

حتى اليماني طلع مـا صـك دكانـه
اعـذر بقشـه ولا سكـر توجريـه

يادحيـم قلبـك تولـع يـم لبنـانـه
وش لون يادحيم لو شفتهـا هيـه

ماهيب شاميـه ن دقـت وغلطانـه
لا والله الا هـنـيـا بالسـعـوديـه